Ресейде санкция салдарынан дәрі тапшылығы артты

Ресейлік ірі фармацевтикалық компаниялар санкцияға ілікті. Ал экономикалық шектеулердің салдарынан елде дәрі тапшылығы артып отыр. Өмірлік маңызы бар препараттардың 20%-ы дәріханалардан жоғалып кеткен, кейбір қалаларда тапшылық 65% - ға жеткен. Өткен жылы импорттық дәрінің үлесі 15% болса, биыл 9%-ға жетпейді. Ресей осыған дейін Израиль, Қытай, Үндістаннан дәрі алатын. Қазір импорттық дәрі тек Беларусь елінен жеткізіледі. Отандық фармкомпаниялардың 99%-ы дәрі жасауға қажетті шикізаттың жоқтығын мойындады. Енді өте қажетті әрбір бесінші преапатты сатып алу мүмкін емес.

Виктория Преснякова, тәуелсіз дәріханалар қауымдастығының директоры:

Әрине, санкция дәрінің сапасы мен бағасына кері әсер етті. Препараттар күрт қымбаттады. Отандық компаниялар әр дәріге клиникалық зерттеу жүргізуі үшін біраз уақыт керек. Бұл – өте күрделі жұмыс. Сондықтан дәрі жетпей жатыр.

Индира Бегайдар