14 жасқа дейінгі балаларды тұрақты мекенжайға тіркеуді қайта енгізу қажет

14 жасқа дейінгі балаларды тұрақты мекенжайға тіркеуді қайта енгізу қажет. Ішкі істер министрлігі осындай ұсыныс айтты. Қазіргі тәртіп бойынша мұндай балалар ата-аналары тұрып жатқан үйге автоматты түрде тіркеледі.

«Алайда бұл халық санын нақты есептеуге кедергі келтіріп, демографиялық есептің бұрмалануына себеп болады», – дейді министрлік өкілдері.

Айта кетейік, бұған дейін 14 жасқа дейінгі балалар нақты тұрып жатқан мекенжайы бойынша тіркелетін. Аталған талап 2020 жылы құжат рәсімдеу процесін жеңілдету үшін алынып тасталған еді.

Жанель Өтеулі