Елшілік: Қатар бейбіт тұрғындар үшін қауіпсіз

Қазақстанның Қатардағы елшілігі елдегі ахуалдың бейбіт тұрғындар үшін қауіпсіз екенін мәлімдеді. Азаматтардан дүрбелеңге салынбай, қауіпсіздік ережелерін сақтауды сұрайды. Қазір Қатардың әуе кеңестігі толығымен жабық. Әуе қозғалысы қалпына келген бойда қазақстандықтарға ұшақтардың ұшу күндері туралы хабар беріледі. Елшілік жағдайды жіті қадағалап отырғанын хабарлайды. Қажет болған жағдайда екі елдің жауапты органдарымен келісе отырып, қазақстандық азаматтардың қауіпсіздігін қамтамасыз ету үшін қосымша шаралар қабылдамақ.

Темірлан Нұрсолтан