Үстел теннисінен 2027 жылғы әлем біріншілігі Қазақстанда өтеді

Үстел теннисінен 2027 жылғы әлем біріншілігі Қазақстанда өтеді. Дүниежүзінің үздіктері Астанада бақ сынасады. Ұйымдастырушылардың айтуынша, бұл додаға қазірдің өзінде дайындық жұмыстары басталып кеткен.

Данил Пак, Үстел теннисі федерациясының бас хатшысы:

Қазақстан өзін ең ірі халықаралық жарыстарды жоғары деңгейде ұйымдастырып, өткізе алатын ел ретінде көрсетті. Бұл бағытта бізде үлкен тәжірибе бар. Бүгінде ұйымдастыру жұмыстарын жасап жатырмыз. Екі жыл өте тез өте шығады. Сондай-ақ бұл өте жауапты іс-шара. Жеке жарысқа 128 ер және 128 әйел спортшы келеді деп жоспарланған. Оған қоса әр санат бойынша 64 жұптан тұратын командалар да болады.

Темірлан Нұрсолтан