Түркияда Құрбан айт кезінде мыңдаған адам жараланды

Түркияда Құрбан айт күндері мал соймақ болған 16 мыңнан аса адам жарақат алған. Бұл туралы елдің Денсаулық сақтау министрлігі хабарлады. Олардың басым бөлігі үй жағдайында құрбан шалғандар.

Жараланғандардың көбі қолын кесіп алғандар мен малдың астында қалып қойғандар. Алайда бұл ауруханаға қаралуға келгендер ғана. Ал жараланса да, емханаға қаралмағандардың саны бұдан да көп болуы мүмкін.

Бұдан бөлек, айт мейрамына орай берілген демалыс күндері Түркия бойынша жол апатынан 26 адам қайтыс болған. 3500 адам түрлі көлік оқиғасынан жараланды. Бұл ақпаратты елдің ішкі істер министрі таратты.

Айдос Әшімұлы