Мемлекеттік кеңесші ҚКП Орталық комитетінің өкілімен кездесті

Мемлекеттік кеңесші Ерлан Қарин Қытай коммунистік партиясының орталық комитеті үгіт-насихат бөлімі орынбасары Ху Хэпинмен кездесті. Жүздесу барысында қос елдің мәдениет, ғылым және бұқаралық ақпарат құралдары саласындағы ынтымақтастығын дамыту мәселелері қаралды. Ерлан Қарин екі жақтың сарапшылары мен медиа өкілдері арасында тәжірибе алмасуға ерекше назар аударды. Ху Хэпин Қазақстанның қонақжайлығын атап өтіп, Қытай мен Орталық Азия елдерінің БАҚ саласындағы ынтымақтастығын жоғары бағалады. Тараптар гуманитарлық байланыстарды нығайту арқылы өзара түсіністік пен достықты арттыруға сенім білдірді.

Ернұр Медет