Мемлекет басшысы Солтүстік Македония президентімен кездесті

Солтүстік Македонияның танымал «Alkaloid» фармацевтикалық компаниясының Алматыда өкілдігі ашылады. Бұл туралы Қасым-Жомарт Тоқаев пен Солтүстік Македония президенті Гордана Силяновска-Давкованың кездесуінде мәлім болды. Мәртебелі мейман Астана халықаралық форумына қатысу үшін Қазақстанға жұмыс сапарымен келген. Тараптар сауда-экономикалық, инвестициялық және гуманитарлық салалардағы ынтымақты егжей-тегжейлі талқылады. Президенттер екі ел қарым-қатынастарының барлық саласына тың серпін беруге уағдаласты. Әсіресе ауыл шаруашылығы, көлік-логистика, қаржы және туризм сияқты бағыттарға назар аударылды.

Шерхан Жамбылұлы