Ақнәр Хамиттің өлімі бойынша қылмыстық іс қозғалды

Ақнәр Хамиттің өлімі бойынша қылмыстық іс қозғалды. 22 жастағы бойжеткен былтыр жазда Алматыдағы тұрғын үй кешенінің 7-қабатынан құлап қаза тапқан еді. Бастапқыда бұл оқиға суицид ретінде тіркелген. Алайда марқұмның анасы мұнымен келіспеді. Денесінен азаптау іздерін көрдім деп күдік келтіріп, Ақнәрді құрбылары қасақана қатігездікпен өлтіргенін айтты. Анасының шағымынан кейін қалалық полиция тергеу жұмыстарын қайта бастады. Қазір куәлардан жауап алынып, бейнематериал зерттеліп жатыр.

Рустам Шәрібаев, қалалық Полиция департаменті бастығының орынбасары:

Тергеу шеңберінде материалдар жинақталып, талдануда. Куәлардан жауап алынып, бейнежазбалар зерделенуде. Сонымен қатар соңғы процессуалдық шешім барлық тағайындалған сараптаманың нәтижесін алғаннан кейін және қажетті тергеу әрекеттерін жүргізгеннен кейін қабылданады.

Ернұр Медет