Мемлекет басшысы: Мәдениет – ұлттың төлқұжаты

«Мәдениет – ұлттың төлқұжаты. Жаһан жұрты елімізді, ең алдымен, өнеріміз арқылы танып біледі». Мемлекет басшысы Қасым-Жомарт Тоқаев Ақордада Мәдениет және өнер қызметкерлерінің кәсіби мерекесі қарсаңында өткен жиында осылай деді. Президент мәдениет саласындағы аса үздік жетістіктері үшін бір топ өнер адамын мемлекеттік наградалармен марапаттады. Ұлтымыздың болмыс-бітімін сақтауға, халқымыздың руханиятын байытуға зор үлес қосып жүрген сала қызметкерлеріне ризашылығын білдірді.

Қасым-Жомарт Тоқаев, Қазақстан Республикасының Президенті:

Мәдениет – ұлттың төлқұжаты. Жаһан жұрты елімізді, ең алдымен, өнеріміз арқылы танып біледі. Біз – Ұлы далада тамыр жайған бірегей мәдениеттің заңды мұрагеріміз. Қазақ жерінен шыққан қайталанбас өнер иелерінің теңдессіз туындылары тұтас ұлтты тәрбиеледі. Қазір төл мәдениетіміз дүние жүзіне танылып жатыр. Мемлекет өнер саласын өркендетуге мән береді. Өйткені мәдениеті озық елдің рухы биік болады.

Темірлан Нұрсолтан