Астанада гимнаст қыз бес метр биіктен құлап кетті

Астанадағы цирк сахнасында гимнаст қыз шамамен бес метр биіктен құлап кетті. Өнерпаз кезекті бір сахналық қойылымды орындау барысында арқаннан ұстай алмай, төмен қарай құлдилаған. Оқыс жағдай көрермендердің көз алдында болды. Әріптестері оны сахнадан алып шығып, жедел жәрдем шақыртқан. Денсаулық сақтау басқармасының мәліметінше, бойжеткеннің миы шайқалып, бас сүйегі зақымданған. Бірақ өміріне қауіп жоқ, жағдайы бірқалыпты, - дейді. Қазір оқыс оқиғаның себебі анықталу үстінде.

Ал Ақтөбеде жас жол инспекторлары жарысында 13 жастағы оқушы велосипедтен құлап, мұрнын сындырған. Куәгерлердің айтуынша, басы айналып, жүрегі айныған. Осының салдарынан велосипедтің тізгініне ие бола алмай қалғаy.

Ернұр Медет