Тұрғын үйлерді табиғи апаттардан міндетті сақтандыру жүйесі енгізілуі мүмкін

Қазақстанда тұрғын үйді табиғи апаттардан міндетті сақтандыру жүйесі енгізілуі мүмкін. Бұл туралы Қаржы нарығын реттеу және дамыту агенттігі хабарлады. Бүгінде агенттік Үкіметпен бірлесіп арнайы заң жобасын әзірлеп жатыр. Құжат Парламенттің қарауына жыл соңына дейін ұсынылмақ. Мұндай міндетті сақтандыру жүйесі көптеген елде бар. Жоба аясында мемлекеттік қолдау қорын құру көзделіп отыр. Қордың қаражаты апат кезінде халыққа алғашқы қаржылай көмек көрсетуге бағытталады. Ал сақтандыру құнының қанша болатыны және оның ерікті немесе міндетті болатындығы заңда жазылады.

Оңғар Алпысбайұлы