Ақмола облысының студенттерді көл жағасын қоқыстан тазартты

«Таза Қазақстан» экологиялық акциясына жыл басынан бес мыңнан астам ақмолалық қатысып, аумақтарды тазалауға, аулалар мен саябақтарды абаттандыруға ат салысты.

Осы жолы Бурабай ауданының Қатаркөл ауылындағы Жоғары ветеринария және биотехнология колледжінің 50-ге тарта студенті көл жағалауын қоқыстан тазартты. Игі шара экологиялық жағдайды жақсартып қана қоймай, жастардың бойында қоршаған ортаға ұқыпты қарау мәдениетін қалыптастыруға ықпал етеді, дейді ұйымдастырушылар.

Береке Базаркенов, студент:

Адамдар пластикалық бөтелкелер лақтырып кетеді. Оны қоқыс жәшігіне салып кетсе, лас болмаушы еді. Сенбіліктер көп болып отыруы керек. Егер сенбіліктер болып тұрса, Қазақстанымыз таза, әрі лас болмайды.

Бибінұр Әмірханқызы