Жаңалықтарды Telegram арнамыздан оқыңыз!Испания мен Португалияда жаппай электр жарығы өшті. Екі елде де темір жол мен автокөлік қатынасы қиындады. Метрода қозғалыс тоқтады. Бағдаршамдар жұмыс істемей тұр. Кәсіпорындар, сауда орталықтары, дүкендер мен мейрамханалар да жарықсыз қалған. Испания үкіметі шұғыл жиналды. Ал Португалияда жағдайды бақылауға алу үшін жұмыс тобы құрылды. Электр желілерінің операторлары электр қуатын қайта қалпына келтіру үшін жұмыс істеп жатыр. Euronews таратқан ақпаратқа сай, екі елдегі апатқа Франциядағы жоғары вольтты электр желісінің өрт кезінде зақымдалуы әсер еткен болуы мүмкін.
Арай Төлегенқызы
