Алматы облысында ірі 122 жоба іске асырылып жатыр

Алматы облысында құны 2 трлн 400 млрд теңгені құрайтын 122 жоба жүзеге асырылып жатыр. Жаңадан 36 мыңнан аса жұмыс орны ашылады. Бұл туралы Президентке аймақ басшысы Марат Сұлтанғазиев баяндады. Жыл басынан өңірде 12 өнеркәсіп іске қосылған. Алатау қаласында көлік-инженерлік инфрақұрылымды жобалау жұмыстары басталды. Мемлекет басшысы Қонаев және Алатау қалаларын дамытуға қатысты белгіленген мақсаттарды орындаудың маңызын атап өтті. Президент индустриалды аймақтар әлеуетін нығайтуға және жол инфрақұрылымын дамытуды тапсырды

Марат Сұлтанғазиев, Алматы облысының әкімі:

Былтырғы жылы 980 млрд теңге инвестиция тартылды. Биыл да сол қарқынды сақтап келе жатырмыз. Биылғы жоспарымыз 1 трлн 300 млрд теңге. Біздің облыс инвестиция тарту қарқынын сақтаған есебінен қазіргі ішкі өнім 10-орыннан 5-орынға келдік. Ең басты мәселе – Қонаев пен Алатау қалаларының дамуы болды. Бұл тарапта да біраз тапсырмалар қабылданды.

Шерхан Жамбылұлы