Алматыда бүлдіршінді қағып кеткен жүргізуші 2 айға қамалды

Алматыда 7 жасар қызды қағып кеткен жүк көлігінің жүргізушісі қамауға алынды. Қала прокуратурасының мәліметінше, шаһардың мамандандырылған ауданаралық тергеу соты жүргізушіге қатысты екі айға қамауға алу түріндегі бұлтартпау шарасын тағайындаған. Тағылған айып бойынша жүргізуші 5 жылға дейін бас бостандығынан айырылып, 5 жылға дейін белгілі бір қызметпен айналысу құқығынан шектелуі мүмкін.

Айта кетсек, Алматыда Боралдай көшесімен келе жатқан ауыр жүк көлігі жаяу жүргіншілер жолағымен келе жатқан 2017 жылғы баланы басып кеткен еді. Жеткіншек оқиға орнында көз жұмды.

Қуан Нұрақын