Жаңалықтарды Telegram арнамыздан оқыңыз!Сәуірдің алғашқы жексенбісі – геолог күні. Бүгін кәсіби мерекеге орай Өнеркәсіп және құрылыс министрі сала ардагерлері мен үздік мамандарды марапаттады.
30-ға жуық маманға кен орындарын зерттеуге елеулі үлес қосқаны үшін ІІІ дәрежелі «Еңбек даңқы» мен «Құрмет» ордені, «Қазақстанның еңбек сіңірген геологтері» құрметті атағы, «Ерен еңбегі үшін» медалі және «Кен орнын алғаш ашушы» төсбелгілері табысталды. Биыл геологтар ауданы 2 млн шаршы метрге жететін жер қойнауын барлаған.
Қанат Ерубаев, ӨҚМ геология комитеті төағарсының орынбасары:
Енді өткен жылы істеп жатқан жұмысымыздың нәтижесі ретінде үлкен кен орны ашылды. Аты Құрықтыкөл. Құрықтыкөл жайлы айта кетсек, ол өте үлкен кен орны. Ондай кен орындары дүние жүзінде өте аз.
Рахат Көкеева, геолог:
Осы салада жұмыс істегеніме 40 жылға таяп қалды. Қарағанды облысынан бастадым. Бұл - мен үшін үлкен марапат.
Динара Жарқынбек
