Жаңалықтарды Telegram арнамыздан оқыңыз!Газа секторында Израильдің шабуылынан соңғы екі аптада 322 бала қаза тапқан. Мұны Біріккен Ұлттар Ұйымы хабарлады. Дерекке сай, осы уақыт ішінде 609 бала жараланған. Израиль Газаға наурыздың 18-де қайта соққы беруге кірісті. Израильдің мәлімдеуінше, бұған «Хамас» қозғалысының АҚШ-тың ұсынысы бойынша ымыраны жалғастыруға келіспеуі және кепілдіктегі 59 адамды босатпауы себеп. Алайда, хамастықтар тағылған кінәні жоққа шығарып отыр. Израиль армиясы Газаны 18 ай бұрын бомбалай бастап, онда жаяу әскер операцияларын жүргізді. Одан 50 мыңнан астам палестиналық мерт болды. Сол құрбандардың 15 мыңы – балалар.
Арыстан Рысбек
