Жаңалықтарды Telegram арнамыздан оқыңыз!Жыл соңына дейін Қазақстанда үздік шетелдік 11 жоғары оқу орынының филиалы ашылады.
Бүгінгі күні елімізде Ұлыбритания, Қытай, Ресей, АҚШ, Италия, Франция және Оңтүстік Кореяның 23 университенінің филиалы жұмыс істеп тұр. Қазақстандық студенттер 34 мамандық бойынша білім алып жүр. Мектеп бітіруші түлектерге кәсіби бағыт-бағдар беру мақсатында 2022 жылдан бері «Мамандығым – Болашағым» жобасы жүзеге асырылып келеді. Биыл республика бойынша «Study in Kazakhstan» көрмесі ұйымдастырылды. Жоба аясында мектеп оқушылары арасында шетелдік жоғары оқу орындарының филиалдарына түсу мәселесі бойынша ақпараттық-түсіндірме жұмысы жүргізілді. Шараға 32 мыңнан астам мектеп оқушысы, ата-ана мен кәсіби бағдар беруші мамандар қатысты.
Руслан Емелбаев, ҚР Ғылым және жоғары білім министрінің кеңесшісі:
Жобаның мақсаты – бұл Қазақстаннан тыс шықпай, біздің талапкердердің өз елімізде, өз жерімізде шетелдік ЖОО және шетелдік дипломға қол жеткізу мүмкіндігін беру.
Эльмира Кәленова
