Жаңалықтарды Telegram арнамыздан оқыңыз!Биылғы кезеңнің тұсауын кескен алғашқы қойылым «Арыстан патша» ертегісі кішкентай көрермендердің көңілінен шықты. Жалпы, театр қоржынында мұндай 15-тен астам қызықты туынды бар. Олардың жанры да әртүрлі. Балаларды жақсылық жасауға, мейірімділікке, отансүйгіштікке тәрбиелеуді көздеген шағын ұжымда 20 әртіс жұмыс істейді. Алдағы мерейлі мерекелер қарсаңында бүлдіршіндер жаңа туындылардың куәсі болмақ.
Досымхан Бейсенбаев, Астана қаласы қуыршақтар театрының әртісі:
- Сенбі, жексенбі күндері қойылымдар жүреді. Театр әр уақыт ізденіс үстінде. Жаңа қойылымдарға талпынамыз. Жаңа жылға дайындалып жатырмыз. Тәуелсіздік мейрамы қарсаңында «Атамекен» қойылымының тұсауын кесеміз.
Раушан САЙЛАУҚЫЗЫ
