Басты Жаңалықтар Жастардың құқықтық сауаттылығын арттыру – маңызды мәселе

Жастардың құқықтық сауаттылығын арттыру – маңызды мәселе

20.03.2025 18:00

Петропавлда жастардың құқықтық сауаттылығын арттыру мақсатында квест ойындары ұйымдастырылды.

Сайысқа студенттер мен заңгерлер қатысты. Ойын шартына сай командалар 5 топқа бөлініп, түрлі тапсырмаларды орындады. Қазақстан заңдары төңірегінде әзірленген сауалдардың жауабын іздеп, теориялық тапсырмаға сай, адамға алғашқы медициналық көмек беру тәсілдерін көрсетті. Жастардың білімі мен шеберлігін кәсіби мамандар бағалады.

Жұлдыз Тоқтарғазы, қоғамдық даму және ақпарат орталығының маманы:

Бесеуі студент болса, біреуі міндетті түрде заң аясындағы қызметкер. Себебір әртүрлі баптардан келген сұрақтарға бағыт-бағдар беруші болып табылады. Ең негізгі мақсатымыз – заң тұрғысынан көбірек хабардар ету. Бұл жерде қарапайым, нағыз жастарға керекті сұрақтар.

Сонымен қатар, Жастар ресурстық орталығының ұйымдастыруымен «TED-X» форматында кездесу өтті. Шарада алаяқтардан қорғану және киберқылмысқа тосқауыл қою жолдары айтылды.

Эльмира Кәленова

Автор

Эльмира Кәленова

Бөлісу