Жаңалықтарды Telegram арнамыздан оқыңыз!Петропавл қаласында жас ұрпақ пен аға буын өкілдері зияткерлік ойында сынға түсті. «Таза Қазақстан» акциясы аясында ұйымдастырылған шараға 50 студент пен зейнеткер қатысты. Олар табиғатты қорғау тақырыбында қойылған сауалдарға жауап беріп, өзара мықтыны анықтады. «Эко IQ: «Таза Қазақстан» зияткерлік ойынының басты мақсаты – өскелең ұрпақтың бойында табиғатқа деген сүйіспеншілікті қалыптастыру, дейді ұйымдастырушылар. Облыста «Таза Қазақстан» акциясы аясында 3 мыңға жуық экологиялық іс-шара ұйымдастырылып, 150 мыңнан аса адам қатысты.
Зейнеп Тәнібаева, Қызылжар аудандық ардагерлер кеңесінің төрағасы:
Ұрпақ сабақтастығы деген өте жақсы үрдіс. Табиғатты қорғау мәселесі бұл ардагерлердің де, жас ұрпақтың да өзекті мәселесі. Жалпы қоғамның өзекті мәселесі. Жасымыздың ұлғайғанына қарамастан осы ойынға келіп отырмыз.
Эльмира Кәленова
