СҚО-да былтырғы су тасқыны қайталанбайды

Солтүстік Қазақстан облысында былтырғы су тасқыны қайталанбайды. «Қазгидромет» негізгі болжам нәтижесін жариялады. Биыл жауын-шашын көлемі әдеттегі мөлшерге сай. Дегенмен Сергеев су қоймасынан төмен орналасқан Петропавл қаласының шеткі аудандары мен ауылдарға тасқын қауіп төніп тұр. 116 елдімекен бақылауға алынды. Мамандардың айтуынша биыл өзен-көлдерде мұз жару жұмыстарына баса мән беру шарт.

Наталия Левина, «Қазгидромет» АҚ СҚО филиалы директорының орынбасары:

Қар құрамындағы ылғал мөлшеріне сәйкес, су тасқыны 2014 және 2020 жылдардағыдай болуы тиіс. Сергеев су қоймасы 101 пайызға толып тұр. Бұған дейін аталған нысан Ақмола облысынан келген судың бір бөлігін ұстап қалатын. Биыл ондай мүмкіндік жоқ. Су кедергісіз ағып кету үшін жолында мұз кептелісі сынды кедергі болмауы керек.

Эльмира Кәленова