Жаңалықтарды Telegram арнамыздан оқыңыз!Бүгінде Алматыда 23 соғыс ардагері тұрады. Солардың бірі - Қамбар Әмірұлы. Қария 1942 жылы соғысқа аттанып, арнайы дайындықтан соң Мәскеу түбінен бірақ шыққан. 1944 жылы ақпан айында ұрыс даласында оқ тиіп, жараланады. Госпитальде 3 айдан аса уақыт емделген соң сапқа қайта қосылған. Латвия, Литва, Эстония, Польша және Беларусьті азат етуге қатысқан. Кидсберг қаласында жүргенде Кеңес әскерінің жеңіске жеткенін естиді. Алайда, 51-атқыштар дивизиясының барлаушысы болған қарт майдангер бірден елге оралмаған. 1945 жылы жау берілгеннен кейін олар Польшада ұлтшылдармен күрес жүргізген. Соғысты аяқтап, енді аз күнде үйге ораламыз деп жүрген бірқатар майдандасы осы кезеңде оққа ұшқанын айтады. Майданның қасіреті мен қайғысын көп көрген ардагердің бар тілегі - соғыс тауқыметін бүгінгі ұрпақ көрмесе екен!
Қамбар Сәрсен, соғыс ардагері:
1945 жылы қараша айында ауылда болдым. Менің туып-өскен жерім Қостанай облысы. Аудандық комсомол комитетінің ІІ хатшысы қызметін атқардым. 47-жылы осы Алматыға оқуға жіберді. Сол жылдан бері Алматыдамын.
Қуан Нұрақын
