Жаңалықтарды Telegram арнамыздан оқыңыз!Павлодардағы «Halyk Bank-ті» тонады деген күдікпен бес адам Ресей Федерациясы аумағында ұсталды. Қазір екі ел арасында полицияның бірлескен жедел тергеу тобы құрылды. Тұтқындалғандардың бәрі Ресей елінің азаматтары. Оларды Қазақстанға әкелу мәселесі қарастырылып жатыр.
Еске салсақ, былтыр қараша айында «Halyk Bank-тің» Павлодардағы бөлімшесі тоналды. Ұрылар жертөле арқылы қабырғаны бұзып кіріп, ақшаны алып кеткен. Ресми емес дерекке қарағанда банк 1 млрд теңге көлемінде қаржысынан айрылған. Ал, құнды қағаздар мен бағалы бұйым, асыл тастарға тимеген. Осы оқиғадан кейін еліміздің банктерінде күзет күшейтіліп, қауіпсіздікті нығайтуға арналған қосымша шаралар қабылданды.
Болат Аманбай
