Жаңалықтарды Telegram арнамыздан оқыңыз!Алматыда ЮНЕСКО қауымдастықтары мен клубтарының алғашқы жаһандық жастар форумы өтіп жатыр. Шараға әлемнің 60-қа жуық елінен 150-ден аса сарапшы қатысуда. Жиналғандар жастардың құқықтары мен мүмкіндіктерін кеңейту, жасанды интеллектіні пайдалану этикасын талқылады. Форум аясында ЮНЕСКО қауымдастықтары мен клубтары жастарының 2025-2030 жылдарға арналған жол картасы қабылданды. Бұл құжат 94 елдегі 5 000-нан аса ұйымның стратегиялық даму бағыттарын анықтап, жастардың мүмкіндіктерін нығайтады, - дейді сарапшылар.
Мұхаммед Әлфарнавани, ЮНЕСКО-ның Африкадағы басымдықтарды үйлестіру бөлімінің директоры:
Бұл форумға қатысу – жастарға үлкен мүмкіндік береді. Өйткені форумға әлемнің түпкір-түпкірінен, әсіресе Африка аймағынан келген жастар да қатысып жатыр. Бұл ЮНЕСКО ұйымы үшін, жастардың әлеуетін арттырып, болашағын құру жолындағы маңызды шаралардың бірі деп айтар едім.
Қуан Нұрақын
