Ресейде Әлия Молдағұлованың 100 жылдығы атап өтіледі

Ресейдің бірнеше өңірінде Кеңес Одағының Батыры, қазақтың қаһарман қызы Әлия Молдағұлованың 100 жылдығы атап өтіледі. Ұлы Отан соғысында сұр мергендігімен талай жаудың көзін жойып, майданда қаза тапқан батыр қыздың ерлігі ешқашан ұмытылмайды. Мәскеу, Санкт-Петербург, Қазан қаласы және Әлия Молдағұлова ерлікпен қаза тапқан Псков облысында да батыр қызға құрмет көрсетіліп, ерлігі насихатталады. Сонымен қатар өңірлердегі қазақ жастарының басын қосқан ұйымдар да Кеңес одағының батыры атанған қазақ қызының 100 жылдығын атап өтуге үлес қоспақ. 

Индира Бегайдар