Аргентина Дүниежүзілік денсаулық сақтау ұйымынан шығатынын мәлімдеді

Аргентина Дүниежүзілік денсаулық сақтау ұйымынан шығайын деп жатыр. Мұны президент Хавьер Милейдің баспасөз қызметі хабарлады. АҚШ-тан кейін осымен екінші ел БҰҰ-ның аталған агенттігіне мүшелікті тоқтатпақ. Милей ұйымды денсаулық сақтау саласын басқаруда «Терең қарама-қайшылықтарға» жол берді деп айыптады. Аргентина президентінің айтуынша, бұл әсіресе ковид пандемиясы кезінде байқалған. АҚШ президенті Дональд Трамп та жаһандық денсаулық сақтау агенттігі денсаулық сақтау саласындағы дағдарыстарды дұрыс реттеген жоқ деп мәлімдеген еді.

Арай Төлеген