Ақтөбеде мас күйінде көлік жүргізген тұрғын бес жылға сотталуы мүмкін

Ақтөбеде бұрын жүргізуші куәлігінен айрылған тұрғын екінші рет көлікті мас күйінде жүргізгені үшін ұсталды. Енді ол 5 жыл мерзімге сотталуы мүмкін.

Жол сақшылары «Ақтөбе-Орск» тас жолында күдік тудырған «Ваз» автокөлігін тоқтатқан. Тексеру кезінде 43 жастағы тұрғынның ішімдік ішкені анықталған. Жүргізуші өмір бойына көлік басқару құқығынан айрылып, уақытша ұстау изоляторына қамалды. Автокөлік арнайы тұраққа қойылды.

Жақсыбек Кемал