Жаңалықтарды Telegram арнамыздан оқыңыз!«Жаңа жылда молшылық пен жайлы тұрмыс болсын, елімізді ырыс пен табысқа кенелтсін». Мемлекет басшысының атынан өткізілген Шырша мерекесіне қатысқан шымкенттік 300 бүлдіршін жаңа жылды осындай ізгі тілекпен қарсы алды.
Арнайы ұйымдастырылған мерекелік шараға әлеуметтік аз қамтылған, көп балалы отбасы балалары мен ата-анасының қамқорлығынсыз қалған, мүмкіндігі шектеулі бүлдіршіндер және білім, өнер, спортта жетістіктерге жеткен талапты да талантты оқушылар қатысты. «Қош келдің, Жаңа Жыл!», деп аталған мерекеде қала әкімі Ғабит Сыздықбеков балғындарға Президенттің құттықтау хатын оқып беріп, түрлі сыйлықтар табыс етті. Жаңа жылды жадырап қарсы алған балалар мұнан соң шыршаны айнала билеп, өнерлерін ортаға салды. Аяз ата және Ақшақармен қол ұстасып, ертегілер әлеміне саяхат жасады. Түрлі кейіпкерлерді кезіктірді. Думанды мереке бұл жолы да балаң жүректердегі қиялдарды қанаттандыра түсті.
Темірлан Бақдәулет, оқушы:
Қуаныштымын. Барлықтарыңызды жаңа жылдарыңызбен құттықтаймын! Жақсы, маған ұнап жатыр.
Ғани Қалмаханов
