Тәуелсіздік күні қарсаңында полиция күшейтілген жұмыс режиміне көшті

Бүгіннен бастап полицейлер күшейтілген жұмыс режиміне көшті. Бұл туралы Ішкі істер министрлігі хабарлады. Министрліктің мәліметінше, мақсат - Тәуелсіздік күні қарсаңында қоғамдық тәртіпті қадағалау және азаматтардың қауіпсіздігін қамтамасыз ету. Сондықтан мереке тойланатын орындарда, халық көп жиналатын аумақтарда, сондай-ақ мемлекет қорғаудағы нысандарды күзететін құқық қорғаушылардың саны артқан. Оған қоса, бейнебақылау камераларының жұмысы да күшейтілген.

Нұрсұлтан Тілектес