Жаңалықтарды Telegram арнамыздан оқыңыз!Алматыда белгілі блогер бопсалау күдігімен ұсталды. Бұл туралы қалалық полиция департаменті хабарлады. 37 жастағы ер азамат жәбірленушіні әлеуметтік желіге видео жариялаймын деп қорқытып, 700 мың теңге сұраған. Полиция қызметкерлері кешке күдіктіні ақшаны алып жатқан жерінен ұстады. Ер азаматтың қасында көлікте тағы екі адам болған. Полиция олардың қылмысқа қатысы бар-жоғын тексеріп жатыр. Қазір блогер уақытша ұстау изоляторына қамалды. Бопсалау дерегі бойынша сотқа дейінгі тергеу амалдары жүріп жатыр.
Айдана Қуантхан
