Қазақстанның «Болашақ» академиясы Украина елшілігіне құнды еңбектер табыстады

Өткенге тағзым – кемел келешек кепілі. Бүгін Астанада Қазақстанның «Болашақ» академиясы Украина елшілігіне 30 кітап табыстады. Туындылар «Карлаг: болашақ үшін естелік» ғылыми-зерттеу жобасы аясында жарық көрген. Құнды еңбектер Украинаның Вернадский атындағы Ұлттық кітапханасына өткізіледі. Биыл - екі ел арасындағы дипломатиялық байланыстың орнағанына ширек ғасыр. Осы атаулы датаға орай, қос мемлекеттің тарихына ортақ оқиғаларға қатысты тың құжаттармен бөлісу қолға алынып отыр. Алдымен Украина біздің Ұлттық кітапханаға бірнеше кітап табыстады. Енді Қазақстан тарапы да өз дүниелерін ұсынды. Екіжақты әріптестікті нығайту мақсатында тағы да тың жобалар іске асырылмақ.

Жазира ДОСМАҒАМБЕТ