Талдықорғанда есірткі саудасымен жастар күресе бастады

Жетісу облысында жыл басынан бері есірткі бизнесін жарнамалайтын 50-ден астам интернет сайт пен телеграм арналар жойылды. Нашақорлықты насихаттаған 5 адамға қылмыстық іс қозғалды. 2 нарколаборотория анықталып, есірткі сатқан 20-дан астам адам бас бостандығынан айрылды.

«Біз есірткіге қарсымыз» деген ұранмен жетісулық жастар облыс орталығында қараусыз қалған ғимарат қабырғаларындағы есірткіні жарнамалайтын жазбаларды өшіріп, полиция қызметкерлерімен рейдтік шараларға қатысты.

Ержан Дәулетов, Жетісу жастары конгресінің үйлестірушісі:

Графитиларды өшіру, есірткіні жарнамалаудың алдын алу бойынша толыққанды жұмыс атқарамыз және де жастармен кездесу форматында 70-тен астам іс шаралар өткізген болатынбыз. Осы жылды 15 мың жаспен сауалнама жүргізу арқылы статистиканы жаңарту арқылы жылды қорытындылайтын боламыз.

Қуаныш Қанатұлы