«Моана 2» анимациялық фильмі қазақ тілінде көрсетілді

Бүгін Астанада Дисней ұсынған «Моана 2» анимациялық фильмінің қазақ тіліндегі тұсаукесер көрсетілімі ұйымдастырылды. Премьераға дубляж мамандары, қоғам қайраткерлері және депутаттар келді. Тынық мұхиты аралындағы шытырман оқиғаны баяндайтын «Моана 2» фильмін биыл Дисней компаниясы өз қаражатына аударған. Бастамаға «Қазақ тілі» қоғамы ұйытқы болды.

Рауан Кенжеханұлы, халықаралық «Қазақ тілі» қоғамының президенті:

Үлкен-үлкен студиялар бар әлемде. Соның ішінде, Сони, Пиксар секілді. Бұл студиялар өз фильмдерін өз қаражатына әлемнің 30 шақты тілдеріне аударып, таратады. Сондай тілдердің қатарына қазақ тілі де қосылып отыр. Бұған дейін біз фильмдерді өз қаражатымызға, демеушілердің көмегімен аударып жүрдік. Сондықтан бұл бастаманың маңыздылығы біз үшін өте үлкен.

Темірлан Нұрсолтан