Елімізге 4 мыңнан аса дәрігер қажет

Елімізге 4 мыңнан астам дәрігер қажет болса, олардың 200-ге жуығы Жетісу облысында тапшы. Аймаққа іссапармен барған денсаулық сақтау министрі Ақмарал Әлназарова осындай сандарды тілге тиек етті. Жалпы өңірде 60-қа жуық медициналық нысан салынып жатыр. Ведомство басшысы бірқатар емдеу мекемелерінде болып, қызметкерлермен кездесті. Тұрғындарға жеке қабылдау ұйымдастырды. Алдағы уақытта елді-мекендерге білікті мамандар тарту үшін облыста кешенді бағдарлама қабылданып, жас кадрларды ынталандыру мәселесі қарастырылған. Оның ішінде дәрігерлерді ауылда тұрақты қалдыру тетіктері де бар, министр.

Ақмарал Әлназарова, ҚР Денсаулық сақтау министрі:

Қателеспесем, осы уақытқа дейін Жетісу облысына бүгінде 27 дәрігер алынды. Облыстық бюджеттен 170 млн қаражат бөлінді осы мәселеге. Сонымен қатар, көмек алғаннан кейін міндетті түрде сол жерде 5 жылға дейін жұмыс атқару керек.

Қуаныш Қанатұлы