Елімізде IQanat Олимпиадасы басталды

Елімізде IQanat Олимпиадасы басталды. Оған республика бойынша 170 аудан және ауылдан 56 мың оқушы қатысып жатыр. Сондай жарыс кезеңінің бірі, Ақмола облысы, Аршалы аудан орталығындағы екінші мектепте өтті. Бірінші кезеңде жеңімпаз атанған 10 мыңға жуық бала екінші – облыстық деңгейге өтеді. Финалға жеткен мыңға жуық баланың бір бөлігі Бурабайдағы IQanat мектеп-пансионатына оқуға қабылданады. Екінші бөлігі IQanat олимпиадасынан кейінгі үш жылдық қолдау бағдарламасына тегін қабылданады.

Талғат Жаңабергенұлы, Аршалы ауданы білім басқармасының әдіскері:

Ауданымыздың балалары қызығушылық танытуының арқасында 300 бала қатысып отыр бүгін. Ауданнан 8-сынып оқушылары ғана қатысады. Ауданда 8-сыныпта 580 бала болса соның 300 баласы бүгін аудандық турға қатысып отыр.

Азамат Бейбітұлы