Жаңалықтарды Telegram арнамыздан оқыңыз!Алматы қаласында жастарға арналған ипотекалық тұрғын үй бағдарламасына өтініш қабылдау басталды. Оған 35 жасқа дейінгі азаматтар қатыса алады. Ол үшін өзінің немесе отбасылы болса, жұбайының меншігінде баспана болмауы тиіс. Сонымен бірге, соңғы 6 айдағы жұмыс өтілі мен зейнетақы аударымдары ескеріледі.
Ипотека 5 пайыздық мөлшерлемемен беріледі. Бастапқы жарна - 10 пайыз. Ал қарыз көлемі 18 млн теңгеге дейін. Ал бағдарламаға қатысу үшін «almaty-zhastary2024.kz» сайтына кіріп, электрондық цифрлық қолтаңба арқылы өтініш қалдыру керек. Жалпы осы бағдарламамен биыл Алматы қаласында 1200 адам баспаналы болады деп жоспарланып отыр.
Айя Мүтәлі
