Дағыстандағы теракт салдарынан 10 адам қаза тапты

Осы теракт болған Ресейдің Дағыстан республикасында алдағы үш күн қаралы күн деп жарияланды. Ресми мәлімет бойынша, Дербент пен Махачкала қалаларында белгісіз біреулер екі православие шіркеуіне, синагога мен жол полициясы бекетіне шабуыл жасаған. Салдарынан 10 адам қаза тауып, 34 тұрғын жарақат алды. Алты содырдың көзі жойылды. Тергеу комитеті теракт деп танып, қылмыстық кодекстің 205-бабы бойынша іс қозғады. Дағыстанның барлық аумағында терроризмге қарсы операция режимі енгізілді.

Индира Бегайдар