Ақмола облысында 67 жылқы қырылып қалды

Ақмола облысы Астрахан ауданына қарасты Жалтыр станциясында 67 жылқы қырылып қалды. Елді мекен сыртындағы шарбақта қамауда тұрған 500-ге жуық мал қатты дауыл мен найзағайдан үркіп, бір-бірін таптап кеткен. Жануарлардың өлексесін ауыл тұрғындары таңертең тапқан.

Оқиға орнына бірден ветеринарлар жіберілді. Қазір зарарсыздандыру жұмыстары аяқталған. Облыстық ветеринария басқармасының мәліметінше, малынан айырылған халыққа өтемақы сақтандыру полисі болса ғана төленеді.