Махамбет пен Сарытоғай ауылының арасындағы жол уақытша жырылды

Атырау облысы Махамбет ауданында тасқынның алдын-алу мақсатында жол жырылды. Қатынас уақытша тоқтады. Аймақта су деңгейі тәулік сайын көтеріліп, қауіп сейілмей тұр. 

Нұрсұлтан Нұрсейіт, тілші

Жайықтағы су деңгейі әлі тұрақталмай тұр. Теңіз деңгейінен едәуір төмен орналасқан Махамбет ауданы тасқынға қарсы қамданып жатыр. Су деңгейін түсіру мақсатында Махамбет пен Сарытоғай ауылының арасындағы жол уақытша жырылды. Ол жерге ұзындығы 11 метр, ені 1,5 метрлік 2 дана құбыр тұрбасы салынған. Қазір ауданда Жайықтың деңгейі 9 метрден асып кетті. Ал Индерде су 10 метрден көтерілген. Онда бөгеттерді қосымша нығайту жұмыстары жүріп жатыр. Бұған Қызылордадан келген Төтенше жағдай департаментінің қызметкерлері де атсалысуда. Атырау қаласында да жағдай тұрақсыз. Су қауіпті деңгейге жақындады. Сондықтан бөгет бойындағы кезекшілер су деңгейін тәулік бойы бақылап отыр.

Нұрсұлтан Нұрсейіт