Перуде автобус апатынан 25 адам қаза тапты

Перудің солтүстігінде автобус апатынан 25 адам қаза тапты. 13 адам жараланған. Оқиға Анд тауларында болды. Челендин қаласынан шыққан жолаушылар көлігі аударылып, өзенге құлаған. Апатқа байланысты қалада үш күн қаралы деп жарияланды. Әзірге автобустың не себепті құлағаны белгісіз. Тергеу жүріп жатыр. Перуде көлік апаты жиі болады. Оған жолдардың сапасыздығы себеп.

Арай Төлегенқызы