Түркістанда 7 елдің боксшылары бірге жаттығып жатыр

Жеті елдің боксшылары Түркістанда бас қосты. Қазақстандық былғары қолғап шеберлері Өзбекстан, Тәжікстан, Қырғызстан, Түрікменстан, Куба және Израильдің боксшыларымен тәжірибе алмасып жатыр. Мақсат - Париж Олимпиадасы алдында дайындықты пысықтау. Жиынға Олимпиада ойындары мен Әлем чемпионаттарының бірнеше дүркін чемпиондары барған.

Қамшыбек Қоңқабаев, бокстан қазақстан ұлттық құрамасының капитаны:

Олардың кем-кетік жерлерін көріп, өзіміздің кем-кетіп жерлерімізді көріп, құдай қаласа, Парижде үлкен жетістікке жету үшін бірден-бір оқу-жаттығу жиындарының бірі деп ойлаймын.

Сесар Ла Крус Хулио, олимпиаданың 2 дүркін чемпионы /Куба/:

Орталық Азия елдерінде бокс жақсы дамыған. Оның ішінде Қазақстан мен Өзбекстанды ерекше атап өтуге болады. Мұнда келген боксшылардың қай-қайсысы да мықты қарсылас. Барлығы олимпиада жолдамасын жеңіп алған мықтылар. Ал олармен бірге жаттығу бізге де оң әсерін берері сөзсіз.

Қаракөз Тұрмағанбет