Жаңалықтарды Telegram арнамыздан оқыңыз!
Ақтауда жаз айларында ыстық су болмайды. Себебі, жылу жүйелерінде күрделі жөндеу жұмыстары жүргізіледі. Қала басшылығы, тұрғындарды осылай шектеу арқылы, жылу беру маусымына ерте қамданбақ. Өйкені, шаһардағы жылу жүйелері 80 пайызға ескірген. Соның салдарынан, өткен жылыту маусымында 700-ге жуық апатты жағдай тіркелді. Сондықтан, жылу мен ыстық су келетін 44 шақырымдық магистральды құбырда ауқымды жөндеу жұмыстары жүргізілмек. Айта кететін жәйт, жылу жүйелері осы кезге дейін бірде-бір рет күрделі жөндеуден өтпеген.
Серікқали Қанапин, Маңғыстау облыстық энергетика және тұрғын үй-коммуналдық шаруашылық басқармасы басшысының орынбасары:
Бұған дейін бұл тек ішінара авариялық жағдай болғанда, кетіп тұрған жерлерін оңдау, жөндеу жұмыстары жүргізілді. Ең негізгі жұмыстар енді басталып жатыр. Сол себептен қыста жылу мен ыстық сумен болғыңыз келсе, біздер қазір жұмыстар атқаруымыз керек. Жылыту маусымына дейін үлгеруіміз керек.
Аягөз Оралбайқызы
