Су тасқыны: Жатақханалардан мыңнан астам орын дайындалды

Төтенше жағдай жарияланған өңірлерде орналасқан жоғары оқу орындары ғимараттарына су кірмеген және қирау қаупі жоқ. Университеттер штаттық режимде жұмыс істеп тұр. Тек 8 мың студенті бар Атырау университеті қашықтан оқу форматына көшкен. Су тасқынына байланысты республика бойынша барлық жоғарғы оқу орыннан 5 мың еріктілер тобы жасақталған. Бұдан бөлек, педагогика және психология кафедрасының оқытушылары мен магистранттары зардап шеккен отбасыларға психологиялық көмек көрсетіп жатыр.

Талғат Ешенқұлов, ҚР Ғылым және жоғары білім министрінің орынбасары:

Өңірлерде зардап шеккендерді жоғары оқу орындарының жатақханаларына орналастыру бойынша жұмыс жүргізілуде. Бүгінгі күні жоғары оқу орындары өз жатақханаларынан эвакуацияланған адамдар үшін 1160 орын әзірлеп қойды.

Асылбек Данияр