Жамбыл облысында балықшының денесі екі айдан кейін табылды

Жамбыл облысы, Жуалы ауданында екі айдан бері іздестіріліп жатқан екінші балықшының денесі табылды. Марқұмның мәйітін тұрғындар тауып алған. Қарабастау ауылының 37 жастағы тұрғынының денесін толқын айдап, жағаға шығарған. Қазір мәйітке сот-медициналық сараптамасы жүргізіліп жатыр.

Ал өзімен бірге барған ауылдас ағасының денесі дрон көмегімен табылды. Құтқарушылар, ақпан айының аяғында іздеу жұмыстарын толық тоқтатты. Өйткені, айдынның бетіндегі қалың мұз кедергі болған. Еске салайық, 11 қаңтар күні ауылдың екі азаматы ауды тексеру үшін айдынға түседі. Сол сәтте, қатты жел басталып қайықтары аударылып қалған. 

Данияр Әлімқұл