Жаңалықтарды Telegram арнамыздан оқыңыз!Түркияның Білім министрлігі оқу жылын ұзарту мәселесін қарастырып жатыр. Бұл елдегі білім беру процесін Экономикалық ынтымақтастық және даму ұйымына мүше елдерде қабылданған ортақ талаптарға сәйкестендіру үшін жасалмақ. Жаңа бағдарлама қабылданса, оқу жылы бұрынғыдай 180 емес 200 күн болады. Ал қазір 13 аптаға созылатын жазғы каникул мерзімі 11 аптаға қысқарады. Түркияда оқу жылы екі семестрден тұрады. Оқушылар бірінші семестрде 90 күн оқып екі апта демалған соң, екінші семестрде 90 күн оқиды. Түркияның Білім министрлігі бұл жаңашылдықты келесі оқу жылында енгізуді жоспарлап отыр.
Айдос Әшімұлы
