Енді заң жобасы сарапшылармен, ғалымдармен талқыланады

Сенаттың жобалық кеңсе отырысы өтті, онда еңбек саласындағы ұжымдық қатынастарды реттеу туралы заң жобасы талқыланды. Депутаттар мен ғалымдар құжатқа Еңбек туралы ұлттық баяндама енгізуді ұсынды. Сонымен бірге әлеуметтік әріптестіктің қолданылу аясын кеңейту, ұжымдық келіссөздер жүргізу рәсімдерін оңтайландыру, кәсіподақ мәртебесін нығайту секілді мәселелер қозғалды. Отырыс қорытындысы бойынша заң жобасын одан әрі жан-жақты және мұқият пысықтау үшін жұмыс тобы құрылады.

Руслан Рүстемов, ҚР Парламенті сенатының депутаты:

Еңбек саласындағы ұжымдық қатынастарды реттеу оны заманның жаңа талаптарына сәйкестендіру. Сонымен бірге жұмыс беруші мен жұмыскердің арасындағы, жұмыс беруші мен кәсіподақ арасындағы өзектендіру ол өте маңызды. Сондықтан біз осы жобалық кеңседегі осы бағыттағы жұмыстарымызды қоғамдық сарапшылармен, ғалымдармен тағы да басқа әртүрлі саланың өкілдерімен бірлесіп жалғастырамыз деген үміттеміз.

Асылбек Данияр