Жаңалықтарды Telegram арнамыздан оқыңыз!Бүгін Алматыда таңғы 7-ден бері толассыз қар жауып жатыр. Синоптикер ақ ұлпа ертең түске таяу бірақ тоқтайды дейді. Түнде көшпелі бұлт болып, тұман түседі. Көктайғақ болады. Жауған қардың қалыңдығы 20 сантиметрге жетуі мүмкін. Сондықтан коммуналдық қызмет күшейтілген режимге көшті.
Ерлан Баймұратов, қалалық коммуналдық инфрақұрылымды дамыту басқармасының баспасөз хатшысы:
Қазіргі уақытта 8 ауданда 10 мердігер мекеме жұмыс істеп жатыр. Бүгін 528 арнайы техника, мыңнан астам жұмысшы жұмылдырылды. Түнде 487 техника жұмыс істейтін болады. Таңғы, түскі пик уақытта жолда кедергі келтірмес үшін техника саны азяды. Қалада да, таулы аймақта да қардың қалыңыдығы 5 сантиметрден асқанда бірден күреуді бастайды. Қазір қардың қалыңдығы 10 сантиметрге жетер-жетпес.
