Жаңалықтарды Telegram арнамыздан оқыңыз!Қызылордадағы 10 жылдан бері жөндеу көрмеген нөмірі 3 қалалық емхананың кәріз жүйесі ретке келтірілді. Мәселенің шешілуіне «AMANAT» партиясының фракция мүшесі мұрындық болды. Бақытбек Бекбасаров партияның қоғамдық қабылдауында болып, емдеу мекемесінің проблемасын көтерген. Айтуынша, емхананың кәріз жүйесі тозған. Қыстың күндері іші салқын болады. Ыстық су атымен болмады, дейді. Бұл науқастарға ғана емес, медицина мамандарының жұмысына да кедергі келтіргенін жеткізген. Жалпы, Қызылордада «AMANAT» партиясының аймақтық және аумақтық филиалдарының қоғамдық қабылдау бөлмелеріне былтыр азаматтардан 4 мыңға жуық өтініш түскен. Олардың 72 пайыздан астамы шешімін тапты.
Бақытбек Бекбасаров, қала тұрғыны:
Ем алып жүргенде іші маған қыстың күндері салқын көрінді. Сонымен мен астына түстім жертөленің. Астына қарасам құбырлары шіріп кеткен, резеңкемен орап қойыпты сыммен тартып. Қазір су ағып, шіріп кеткен құбырлардың бәрін өңдеп істеп берді. Бәрі жұлуы жақсы, ыстық суы ағып тұр.
Асылбек Данияр
