Президент Оразалы Сәбденді қабылдады

Алматыға сапары барысында Мемлекет басшысы белгілі экономист, қоғам қайраткері Оразалы Сәбденді қабылдады. Кездесуде еліміздің экономикалық даму перспективалары жан-жақты талқыланды. Президент былтыр Жоғары білім және ғылымды дамытудың 2029 жылға дейінгі тұжырымдамасы қабылданғанын атап өтіп, мемлекеттің салаға баса мән беретінін айтты. Ғылым академиясының жай-күйін әрдайым жіті назарда ұстайтынын жеткізді. Өз кезегінде Оразалы Сәбден ғылым саласын дамытуға қатысты ұсыныстарымен бөлісті.

Оразалы Сәбден, экономист, қоғам қайраткері:

Ауылға қазір кредиттер балық асырауға, малға 2,5 пайыз кредиттер беріліп жатыр. Ал жерді игеруге субсидия мәселесі нашар деп жатыр ауылда. Міне осы мәселені де мен көтердім. Енді ғалым болғаннан кейін ғылым мәселесін де мен көтердім. Ғылымға жақсы серпіліс беріліп жатыр. Енді ғалымдардан қайтарым болуы керек.

Шерхан Жамбылұлы